Avèk viktwa yo (4-2) sou lènmi jire yo nan “Catalunya” a, Espagnol, FC Barcelone ranpòte Liga a sezon sa a, ki se 27èm nan tout istwa yo, premye yo pran depi rive Xavi nan tèt ekip la.
Blaugrana yo ki t ap domine chanpyona espanyòl depi kòmansman sezon an, sakre chanpyon ofisyèlman jodi dimanch lan avèk viktwa yo an deplasman sou rival yo Espagnol Barcelone (4-2).
A 4 jounen pou chanpyona a fini, katalan yo gentan genyen Liga a pou sezon 2022-2023 a avèk 14 pwen anplis rival yo, Real Madrid, epi 16 pwen devan Atlético ki, pandan 34èm jounen sa, pèdi (0-1) devan Elche.
Avèk yon double pou atakan polonè a, Robert Lewandowski, meyè bitè Liga a jiskaprezan avèk 21 gòl, ajoute ak jèn lateral goch yo an, Alejandro Baldé, plis defansè fransè a Jules Koundé, katalan yo fè yon viktwa trankil ki tou ba yo tit Liga a pou sezon an.
Tit sa Blaugrana yo ap kouri dèyè depi 4 sezon an, finalman retounen nan vil Barcelone. Malgre echèk yo nan Lig dè Chanpyon ak Europa League la sezon sa, katalan yo sakre chanpyon Liga a avèk yon bilan ekstraòdinè ki gen ladan l 27 viktwa sou 34 match yo jwe deja yo.
Facebook Comments