Yon nouvo Komisè gouvènman pou ranplase Jacques Lafontant

Jacky Chery
Par Jacky Chery  - Rédacteur
yon nouvo komisè gouvènman pou ranplase jacques lafontant

Pakè bò kote Tribinal premye enstans Pòtoprens lan genyen pou kounya yon nouvo Komisè gouvènman ki ranplase nan pòs sa Jacques Lafontant ki pèdi djòb li aprè anviwon yon lane edmi nan tèt pakè a.

Ministè jistis ak sekirite piblik (MJSP) nonmen Mèt Edler Guillaume, jodi vandredi 26 me a, kòm nouvo Komisè gouvènman bò kote Tribinal premye enstans Pòtoprens lan pou ranplase Mèt Jacques Lafontant.

Mèt Jacques Lafontant ki pami 30 pèsonalite nan sistèm jidisyè ayisyen an ki pa t resevwa sètifikasyon CSPJ pandan fen ane 2022 a, jwenn revokasyon l jodi vandredi a pou kite plas li an bay Mèt Edler Guillaume.

Ansyen Komisè a ki te enstale nan dat 29 oktòb 2021 pou dezyèm pasaj li nan tèt Pakè bò kote Tribinal premye enstans Pòtoprens lan, pèdi djòb la yon lòt fwa ankò nan prèske menm kondisyon ak premye fwa a.

Mèt Edler Guillaume ki ranplase Jacques Lafontant nan tèt Pakè bò kote Tribinal premye enstans Pòtoprens lan, te deja okipe fonksyon sa nan jiridiksyon Kwadèboukè a.

Daprè Ofis pwoteksyon sitwayen (OPC) ki te rele anmwey avèk nominasyon Me Edler Guillaume nan tèt Pakè Kwadèboukè a, nouvo Komisè gouvènman an ta enplike nan yon zak agresyon sou yon jèn avokat nan Bawo Mibalè a avan fonksyon li an.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.