Nan kad kadefinal “Coupe de France” ant Lyon ak Stades de Reims bò kote fanm yo. Melchie Daelle Dumornay (Corventina) make yon gòl pou mete 2 ekip yo ak egalite (2-2) nan rankont lan. Yon lòt fwa ankò, Grenadyè a make fas gadyèn Chilyèn nan Christiane Endler. Men sa pa anpeche Stade de Reims elimine.
Corventina make yon lòt fwa fas gadyèn ekip Chili a kap evolye nan Lyon, nan yon match kadefinal pou “Coupe de France” lan. Dumornay te rive fè gòl la nan 68tyèm minit. Raple Corventina siyen ak ekip Lyon, yon fòmasyon l ap rejwen pou fen sezon an.
Sa fè ansyèn jwèz Tigresse la 4 gòl fas gadyèn chilyèn nan Christiane Endler, li ba li 2 gòl nan seleksyon(2 gò ki te kalifye Ayiti pou Mondyal fanm yo).
Malgre gòl Corventina, ekip Stade de Reims lan elimine aprè pwologasyon, nan tire penal nan kan. (2-2, 8-7).
Facebook Comments