Èske dola k ap desann nan, lye ak mouvman bwa kale ki gen nan lari a
Depi plizyè jou valè dola ap desann nan peyi d Ayiti aprè l te fin rive nenpòt 1 dola ameriken pou prèske 155 goud, men malgre sa goud la toujou ap pèdi valè devan lajan ameriken an chak jou pi plis, sitou sou mache enfòmèl la.
Thank you for reading this post, don't forget to subscribe!Èske dola a k ap desann nan lye ak mouvman “Bwa Kale” ki gen nan lari a ? Se kesyon sa k ap poze pa bò kote plizyè sitwayen nan kapital la. Yo di yo konstate a chak fwa gen yon mouvman popilè nan lari a ki lye ak sosyete, politik oubyen sekirite, Bank Repiblik d Ayiti (BRH) pa janm pran tan, jan li te monte valè dola pou l desann li ak menm rapidite a.
An efè nou konstate nan dat mèkredi 19 avril la pou 1 dola ameriken sou mache fòmèl la yon moun te bezwen 154,22 goud. Se to ki pi wo nou anrejistre jiskaprezan depi kòmansman ane 2023 a, alòske jodi jedi 04 me a li gentan desann ak 147, 82. Yon desant ki fèt gradyèlman alòske dola ameriken an t ap vale teren epi lakòz lavi a vin pi chè, sitou akòz pri l sou mache enfòmèl la.
N ap raple nan lane 2022, bank yo ki sou teritwa a te resevwa anpil menas sou zafè to chanj lan, vin twouve jounen jodiya a yo tounen sib pèp la ankò akòz zafè dola bank yo di ki pa genyen, san konte yo bay limit kòb ameriken yon moun ka retire sou kanè l : li pa depase 100 dola. BRH, kòm regilatè, fè konnen l ap pote yon solisyon ak sitiyasyon an avèk yon pwochèn enjeksyon, men jiskaprezan anyen pa janm fèt.
Leave a Comment