bandi ak zam nan petyonvil tiye epi boule pè extralis nan jaden lakay li
Bandi ak zam asasinen pandan wikenn lan pè Extralis, andedan jaden lakay li epi boule kò viktim lan. Se fanmi frè devwe katolik la ki konfime redaksyon an nouvèl la byen ta nan aswè 23 me 2023 sa a.
Thank you for reading this post, don't forget to subscribe!Zak sasinay sila a dewoule wikenn sa a nan lokalite Divivye, komin Petyonvil. Endividi ak zam yo idantifye kòm manm gang “Kraze Baryè”, rantre nan katye a pou eksprime mekontantman yo fas ak operasyon lapolis te mennen kont yo menm wikenn pase a. Daprè fanmi pwòch pè a, se ta rezon ki mennen zak briganday malfektè san manman sa yo.
Debake nan zòn lan, bandi yo touye epi boule pè Extralis pandan li te nan jaden l li t ap awoze flè.
N ap soulinye, viktim lan se papa plizyè timoun. Daprè abitan Divivye yo, pè Extralis te manm plizyè estrikti katolik tankou mouvman ekaristik ak Sen Fanmi.
N ap raple, fanmi pè a pèsiste, “bandi yo komèt zak sa a pou vanje gwo operasyon lapolis te mennen nan lokalite Divivye, François ak Lespinasse la.
Leave a Comment