Abitan Tirivyè Latibonit yo mande Leta pou l demaske gang Savyen yo anba je yo

Witson Beaujour
Witson Beaujour
abitan tirivyè latibonit yo mande leta pou l demaske gang savyen yo anba je yo
Écoutez cet article

Plizyè milye abitan nan vil Tirivyè Latibonit te refoule beton an jodi mèkredi 9 novanm 2022 a anba divès revandikasyon, revandikatè yo mande leta ayisyen an pou yo vin kraze prese prese gwoup gang savyen an ak alye l yo, ki pa sispann teyorize pèp la a depi yon bon bout tan.

Depi lendi 7 novanm lan yo te deja pile beton an pou denonse ensekirite a ki pa sispann grandi jipon l nan Tirivyè Latinonit, mete sou presyon estrikti kriminèl Savyen an ki pa lache yo yon souf[….] Depi byen bonè maten 9 novanm lan, plizyè milye rivatibosyen te foule pye yo nan lari a pou manifeste kont ensekirite a k ap taye banda nan komin Tirivyè latibonit lan depi plis pase 5 lane, prèske tout aktivite komès yo ak transpò yo te paralize, enstitisyon prive kou piblik te blije soumèt anba revandikasyon yo.

- Advertisement -
Ad imageAd image

Daprè enfòmasyon ki konfime bò kote plizyè sous vil sa a, dlo ki Alimante 2 brèch kanal irigasyon nan Baraj kano a fèmen, popilasyon an te menase tou y ap fèmen direksyon Meri Tirivyè latibonit lan.

Pandan mouvman pwotestasyon yo, revandikatè yo te kenbe branch bwa nan men yo, yo t ap flote anlè pou montre nan ki novo yo enpasyan sikile kòmsadwa nan vil yo san sibi menas ak presyon bandi , anpil pawòl piman bouk t ap site, plizyè manm Laprès te prezan pou retransmèt manifestasyon sila a.

Daprè revandikatè yo, toutotan rezon revandikasyon yo pa satisfè yo pa p kanpe, yo anonse valiz yo pa p zipe si fòs sekirite peyi a ak gouvènman an pa degaje yo kou lèt Jan Jak pou tabli sekirite ak lapè nan vil la.

Facebook Comments

- Advertisement -
Partagez cet article
Witson Beaujour, journaliste-rédacteur, chanteur, musicien et mécanicien industriel. Passionné de reportages, de documentaires et de lecture.