Nan depatman Latibonit, pi presizeman nan vil Gonayiv, yon pastè pran kòd nan kòmansman semèn lan aprè l te fin eseye achte liberasyon yon fidèl li ki nan prizon pa bò kote yon majistra.
Rolen Monpremier, se non nonm Bondye sila a ki te tante grese men jij Guimy Thélot nan Gonayiv, an echanj li t ap libere Arnoux Gaspard, ki gen akizasyon vyòl sou timoun sou do li.
Pastè a ofri jij Guimy Thélot 25 mil 500 goud nan lide pou li te ka pèmèt fidèl li a jwenn liberasyon l. Swit ak aksyon sila, jij la òdone fòs lòd ki te sou plas yo pou mare anba kòd pastè legliz la.
Pou kounya tou lè 2 konsène yo anba men Lapolis. Kanta pastè Guimy Thélot l ap tann lajistis nan vil Gonayiv panche sou ka li a ki fè anpil eskandal nan Site endepandans lan.
Facebook Comments