Souffrant Clervius, yon jèn militan politik ki sòti Okap moun plis konnen sou non Asalòs, pa pòte l byen ditou. Li bezwen èd pou l ka swiv doktè.
Daprè sa jounalis Blaise Robelto Flanky rapòte, Asalòs nan gwo difikilte. Misye malad grav. Li bezwen sipò ekonomik kèk bon samariten pou li ka sove lavi l.
Jounalis la pibliye sou paj Facebook li jodi 18 septanm lan : « Soufrant Clervius alias Asalòs. Pa gade sa li te di ou fè pou nou pa ede l. Si li te jwenn sipò zanmi li yo; li pa t ap pataje pwoblèm li sou rezo sosyal yo ».
San l pa presize ki maladi jenonm lan soufri, jounalis la kontinye nan piblikasyon lan pou l di nenpòt bon pwochen ki ta renmen ede militan politik la ka antre an kontak ak li sou nimewo sa : +509 37 98 2678.
N ap raple, Souffrant Clervius te fè premye gwo aparisyon piblik li nan fineray ansyen Prezidan Jovenel Moïse la ki t ap chante Okap nan dat ki te 23 jiyè 2021. Li te vin selèb aprè l te gade kèk blan je vèt ki te nan evènman an, epi li di yo « Se nou ki touye Prezidan an… Asalòs ! »
Facebook Comments