Ayisyen yo bloke fwontyè a zòn Wanament paske Dominiken anpeche yo achte gaz lakay yo 

Pooshy Rosana
Pooshy Rosana  - Rédacteur
ayisyen yo bloke fwontyè a zòn wanament paske dominiken anpeche yo achte gaz lakay yo 

Ayè jedi 21 Oktòb la yon gwoup ayisyen nan zòn Wanament, ki sou fwontyè ak Dajabón, pran desizyon pou bloke fwontyè a poutèt Dominiken anpeche yo al achte gaz lakay yo. 

Otorite dominikèn yo nan mache Dajabón te bay alèt sou sa, aprè plizyè dizèn Ayisyen te deside bloke wout ki bay aksè ak fwontyè a ak plizyè moto pou anyen pat pase. Mete sou sa okenn transpò pat posib ant 2 peyi yo. 

- Advertisement -
Ad imageAd image

Yo fè anpil dezòd nan Wanament pou te fè vwa yo pase, se sa laprès dominikèn rapòte. 

Santiago Riverón, ki se mè Dajabón nan, fè konnen mouvman sila afekte komès ki gen ant Ayiti ak Repiblik dominikèn nan mache Dajabón nan ki sou fwontyè ant 2 peyi yo. 

Ayisyen sila yo sèmante depi yo pa kite yo al achte gaz an Repiblik dominikèn pou yo sèvi, fwontyè a pap debloke. 

N ap raple depi plizyè jou, machin ak moto ki gen plak imatrikilasyon ayisyèn yo te gen aksè pou yo al achte gaz kay vwazen. Men lame Repiblik dominikèn nan ak tout Cesfront, ki se kò k ap veye fwontyè dominikèn yo, vin pi vijilan ak mete anpil kontwòl sou sekirite teritwa yo a. Sa vin lakòz gen pèmisyon yo pa bay ankò. Ayisyen yo pa dakò sa. 

N ap raple pandan sitiyasyon an konsa sou fwontyè a, gen yon gwoup Ayisyen ki espesyalize tèt yo nan achte galon gaz ak 5 dola ameriken kay vwazen pou vin vann li 50 dola pa bò isit an Ayiti. Yo achte gaz la pa doum pou al fè kontrebann. 

Aktyèlman nan Pòtoprens yon galon gazolin vann pou pi piti 3 mil goud, alòske genyen 37,8 milyon lit esans k ap dòmi nan WINECO ki enstale anndan tèminal Varreux, nan komin Site Solèy. 

Podyab, gaz la paka sòti pou ale nan ponp yo akoz chef gang G9 la Jimmy Cherizier alyas Babekyou bloke zòn sila epi kenbe tèminal la an otaj. Bandi yo vòlè gaz jan yo vle pa bò kote pa yo pou sèvi ak vann sou mache nwa. 

Facebook Comments

- Advertisement -
TAGGED:
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.