Babekyou toujou gen kontwòl gaz la nan Site Solèy 

Pooshy Rosana
Pooshy Rosana
babekyou toujou gen kontwòl gaz la nan site solèy 
Écoutez cet article

Chèf gang G9 an Fanmi e Alye a, Jimmy Cherizier alyas Babekyou kenbe gaz la an otaj nan tèminal Varreux ki nan komin Site Solèy. Alòske gen anpil diskisyon k ap fèt sou pri gaz la nan ponp yo aprè leta deside pa sibvansyone l ankò, gen anpil enkyetid sou disponibilite l kounya. 

Gang yo ki nan rantre pi gwo bidonvil peyi a, alòs G9, deside bloke gaz la nan Varreux aprè yo te fin fouye yon gwo twou devan rantre tèminal la pou anpeche kamyon sòti al fè livrezon jan sa dwe fèt nan ponp yo. 

- Advertisement -
Ad imageAd image

Chèf gang nan deklare se sou kadav li pou Ariel Henry, ki se Premye minis peyi a jiskaprezan, pase pou petwòl la sòti anndan Varreux epi ale nan ponp yo. Nan yon videyo amatè, li te menm mande popilasyon an pou yo kontinye kanpe dèyè barikad yo. 

Jiskaprezan nan komin Site Solèy gen gwo tansyon, kawoutchou ap boule epi vwa piblik la cho kou vè lanp. Bandi G9 an Fanmi e Alye yo okipe la, pyès moun paka pile la san otorizasyon pa menm lapolis. 

N ap raple, depi nan mwa jiyè pase pèsonèl yo k ap travay nan tèminal Varreux anndan Site Solèy, te deja sible akòz gè ki te deklare ant G9 ak G-Pèp anba a. Yo te abitye louvri kout zam sou kamyon sitèn oubyen machin k ap tante sòti anndan pou al fè livrezon. Konsa tou bandi yo konn abitye detounen plizyè kamyon ki pral founi gaz nan ponp yo. 

Facebook Comments

Partagez cet article
Pooshy Rosana
Posté par Pooshy Rosana
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.