Prezidan ameriken an Joe Biden mande kominote entènasyonal la ede Ayiti 

Pooshy Rosana
Pooshy Rosana
prezidan ameriken an joe biden mande kominote entènasyonal la ede ayiti 
Écoutez cet article

Nan okazyon diskou l devan tribin Nasyonzini, prezidan ameriken an Joseph Robinette Biden Junior te pwononse l sou sitiyasyon sosyosekiritè peyi d Ayiti epi mande kominote entènasyonal la mete men pou ede l. 

Lokatè Mezon Blanch lan, nan non Lèzetazini, envite peyi alye yo epi ki regwoupe anndan Nasyonzini pou yo ede teritwa ayisyen an fè fas ak difikilte l ap travèse setansi, ki lakòz anpil moun ap soufri epi ki lage peyi a nan fè nwè. 

- Advertisement -
Ad imageAd image

Joe Biden fè konnen lamizè, vyolans ak zam gang ap fè sou popilasyon an, san konte gaz ki pa genyen, lakòz peyi d Ayiti ap fè fas ak yon pakèt pwoblèm. Kidonk li mande Nasyonzini voye je sou teritwa. 

Si daprè tradisyon an se prezidan ameriken an ki te dwe pwononse diskou pou louvri premye jounen an madi pase a, paske se peyi li ki syèj Nasyonzini, sa pat rive fèt ane a akòz Joe Biden t ale nan fineray rèn Elisabeth II. Lokatè Mezon Blanch lan te oblije voye diskou li a pou yon lòt dat. 

N ap raple Juan Gonzalez, ki se direktè prensipal Konsèy sekirite nasyonal pou emisfè oksidantal la ak asistan prezidan ameriken an Joe Biden, te deklare oparavan : “Sèn vyolans k ap dewoule aktyèlman nan peyi d Ayiti yo, plonje pèp la nan kawo ak anachi. Se aktè ki nan sektè ekonomik la k ap finanse mouvman briganday sa yo nan lari a.”  

“Solisyon Ayiti a pa fasil. Mwen panse jis paske n kite Ayisyen yo pou yo jere pwoblèm yo, sa vin pi grav, yo inyore sa epi sitiyasyon peyi a ap vin pi mal. Lontan Lèzetazini te konsantre sou eleksyon kòm rezilta, jounen jodi a li plis konsantre sou pwomosyon dyalòg”, li te ajoute. 

Facebook Comments

Partagez cet article
Pooshy Rosana
Posté par Pooshy Rosana
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.