Barça vini premye klèb ki gen 17 jwè ki pral jwe Mondyal 

Jephte Pascal
Jephte Pascal  - Rédacteur
barça vini premye klèb ki gen 17 jwè ki pral jwèt yon mondyal 

Alejandro Baldé ki se lateral goch ekip FC Barcelone nan rejwenn ekip Espay la an ranfò jodi a. Sa vin fè Barça gen an tou 17 jwè yo rele pou Mondyal la. Se premye fwa yon klèb rive gen tout jwè sa nan efektif li ki pral jwe konpetisyon an. 

Mondyal foutbòl la pa lwen demare, e tout ekip ap fè zam yo nan peyi Kata. Pandan klèb yo nan peryòd poz, tout jwè ki sòti nan gran klèb ann Ewòp yo al rejwenn seleksyon yo (Pou sa ki kalifye pou Mondyal oubyen seleksyon yo rele). Nan tout klèb sa yo, okenn klèb pa voye plis jwè nan Mondyal la ke Barça. 

- Advertisement -
Ad imageAd image

Pou kounya la, gen 17 jwè nan efektif Xavi Hernandez la ki rapatriye nan seleksyon peyi yo pou Koup Di Mond lan. Espay pou kont pa l pran 8 nan jwè sa yo : Alejandro Baldé, Ansu Fati, Éric Garcia, Sergio Busquets, Jordi Alba, Ferran Torres, Pedri epi Gavi.  

Peyi Uruguay gen yon grenn jwè Barça ki pram reprezante l. Nou vle pale de Ronald Araujo ki s on defansè santral. Se menm jan pou Dànmak ki gen Andreas Christensen, Polòy ki gen Robert Lewandowski, Brezil ki gen Raphinha ak Almay ki gen Marc André Ter Stegen. Tout peyi sa yo gen yon jwè Barça ladan yo. 

Gen 2 peyi ki gen 2 jwè FC Barcelone nan yo chak pou 22è edisyon Koup Di Mond lan. Se Lawoland ki gen ladan l Frenkie de Jong an Memphis Depay epi Lafrans, ekip ki pral defann tit li a, ki gen Jules Koundé avèk Ousmane Dembélé. 

 

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.