2 endividi yo idantifye kòm manm gang 5 segond nan Vilaj de Dieu, bwè dlo bouch yo ayè jedi 8 jen 2023 a anba men manm popilasyon sivil la nan komin Chantal, depatman sid peyi a.
Pandan lapolis ap mete presyon sou baz 5 Segond lan, san poko gen yon rezilta, popilasyon an bò kote pa l ap mete rekò, malgre mouvman popilè Bwa Kale a fè yon silans anba tab. Nan zòn Kayiman, komin Chantal, moun yo kanpe an gadavou.
Ayè jedi 8 jen an, nan aprèmidi, 2 endividi yo idantifye kòm manm gang Vilaj De Dye, ki te vin pran refij yo nan lokalite yo rele Kayiman an, di lavi a babay.
Popilasyon an te vin mete lapat sou yo epi touye yo aprè yo te asasinen yon peyizan ki rele Rodrigue ki te nan wout pou ale nan jaden li.
Facebook Comments