An 2010, li te deklare tranblemanntè ki te devaste Ayiti an se te akoz pèp la te fè yon “kontra ak djab” lè yo t ap batay pou endepandans yo kont peyi Lafrans.
Lidè evanjelik Pat Robertson, ansyen kandida repibliken pou pòs prezidan mouri a 93 lane jodi a. Li te fonde « Christian Broadcasting Network » (CBN) an 1960 e li te fè medya sila fè wonn mond lan.
Robertson te fonde tou « Christian Coalition », òganizasyon ki te vin tounen yon pwen santral nan politik repibliken yo kòmanse nan lane 1980 yo.
Pandan plizyè dizèn ane, Robertson te òganize emisyon CBN ki rele « 700 Club » ki te konbine nouvèl relijye ak kòmantè politik ak amizman tou piti.
Li te youn nan fòs ki te dèyè yon mouvman ki la pou ogmante enfliyans dwat relijyèz la nan politik ameriken an. Li te bay apwobasyon ak sipò finansye ak òganizasyonèl ak kandida ki te konn bay opinyon yo sou pwoblèm sosyal ki sansib yo tankou avòtman, libète relijye ak valè “tradisyonèl”.
An 1988, Robertson te fè kanpay pou nominasyon pou l vin prezidan. Li te fini dezyèm nan gwoup Iowa yo dèyè Senatè Kansas Robert Dole, ak sipò gwo kominote evanjelik Eta sila.
Kandida Robertson te tonbe aprè evantyèl kandida ak Prezidan Georges HW Bush te ranpòte primè a nan New Hampshire.
Malgre pèt la, kanpay Robertson te demontre kretyen evanjelik yo te yon fòs k ap grandi nan politik repibliken an.
Li te vin an tèt nan kat konkou nominasyon Eta, malerezman li te pèdi. Lidè evanjelik la ta vin yon wa nan politik Repibliken an pou plizyè dizèn ane.
Defen an te resevwa anpil kritik paske li te sanble blame liberalis kiltirèl ameriken an – ki gen ladan l mouvman dwa masisi ak avòtman – pou atak 11 septanm 2001 yo nan peyi Etazini.
Aprè Donald Trump te fin eli prezidan, Robertson te di moun ki te opoze ak li yo ap “revòlte kont plan Bondye gen pou Amerik la.”
Facebook Comments