Pendan foutbòl la ap pèdi plim li nan peyi Dayiti, anpil jwè ayisyen ap fè siksè lòt kote. Ansyen jwè Tempête FC a, Charles Herold Jr, k ap jwe kay vwazen an nan Cibao FC, rive pwolonje ak klèb la pou yon lòt sezon aprè plizye ane siksè sou mayo klèb Dominiken an.
Ansyen jwè Tempête FC a rive pwolonje pou yon ane ak Cibao FC. Pitit tè Sen Mak la ap kontinye chimen li ak klèb dominiken an aprè anpil ane siksè. Charles Herold Jr pran 3 Liga Dominicana, 2 Koup Dominiken ak yon CFU Championship. Soulinye klèb Cibao a fonde nan lane 2015.
Se sou rezo sosyal yo, jwè 32 lane a fè konnen lap kontinye brase boul pou Cibao FC. : » Gad jan tan pase vit, sa fè 9vyèm sezon m ak Cibao FC, aprè m finn fè 8 sezon ak Tempête FC, 17 ane foutbòl pwofesyonèl. Mèsi Cibao FC, paske w fè m konfyans pou yon lòt sezon anko. »
Lejand klèb Cibao a fini mesaj li ak fraz sa : » Map bay tout mwen menn sou teren an »
Facebook Comments