Yon jèn aspiran enfimyè ki nan 4èm ane syans enfimyè pèdi lavi l jou ki te madi 23 me 2023 a, nan yon lopital nan Sid peyi a (Okay). Daprè enfòmasyon plizyè sous lokal konfime redaksyon NetAlKole Média, pami yo DVH INFOS, viktim lan mouri akoz paran l te manke 4000 pyas pou te pèmèt li jwenn laswenyay.
Se depi yon bon bout tan pasyan ap plenyen kont move tretman y ap sibi nan lopital yo. An Ayiti, depi w manke yon goud lesko sou kòb operasyon w, se lanmò ki dwe vizite w, alevwa ou pa ta gen yon goud nan pòch ou. Dram sa pase Okay kote yon jèn aspiran enfimyè ki nan 4èm ane pèdi lavi l paske paran l te manke 800 mizerab dola ayisyen.
Toujou daprè sous yo, swen Civil Kenia a te dwe koute 17 500 goud. Akoz paran l yo te manke 4000 goud, doktè nan lopital La Place yo pa t okipe l kou chen, ni entèrese ofri l lavi, malgre viktim lan te gentan nan sal ijans.
Paran demwazèl la nan lapenn. Yo pa gen fòs ankò pou kenbe kò yo paske dram lan aji fò sou yo.
Facebook Comments