Cristiano Ronaldo siyen ak Al -Nassr pou 200 milyon ero 

Gabriel Emmanuel
Gabriel Emmanuel  - Rédacteur
cristiano ronaldo siyen ak al nassr pou 200 milyon ero 

Depi nan Mondyal la anpil medya te gentan anonse Cristiona Ronaldo nan klèb Al-Nassr ki nan peyi Arabisawoudit. Jodi vanderdi a star potigè a angaje l al klèb sawoudyen an pou 2025, yon kontra pou 200 milyon ero chak ane. Malgre jwè a te swete jwenn yon klèb ewopeyen pou l te ka kontinye jwe Lig champyon an. 

Depi lè Manchester United te deside koupe kontra li ak Cristiano Ronaldo aprè entretyen li te bay jounalis Pierce Morgan lan. Anpil klèb ewopeyen pat vle ansyen jwè  Realmadrid la nan ekip yo. Cristiano Ronaldo deside al jwè nan peyi Arabisawoudit pou 200 milyon ero ak kèk lòt kontra pou klèb Al-Nassr.

- Advertisement -
Ad imageAd image

Jwè 37 lane a ki te wè rèv li brize nan mondyal la pa rive jere desepsyon li. Aprè nouvel lanmò Pelé a, kote l te pataje yon mesaj ki gen anpil emosyon, jodi vandredi a, Cristiano Ronaldo vinn jwè kap touche plis kòb nan jwèt la aprè li finn siye ak klèb sawoudyen an. 

Jwè  ki genyen Balon dò 5 fwa a, pat vreman anfòm nan Manchester United, ak yon entrenè ki tap imilye li, daprè kèk medya ak fanatik. Pou 16 match li te rive fè selman 3 gòl, e li pat vreman bon nan mondyal la, kote li te fè yon grenn gòl sou penal fas Ghana. 

Cristiano fè plis pase 800 gòl nan karyè li, li pran tit ak tout klèb li jwe yo. Yo menn ba li yo ti nom “Mesye Lig Champyon”, yon konpetisyon li fè  140 gòl  ladan l. Li pral jwe sou lòd yon antrenè ki rele Rudi Garcia, ki se yon Fransè. Gwo nouvèl la, Cristiano Ronaldo  pap jwe nan champyona ewopeyen ankò, li kite zafè Lig Champyon an.

Facebook Comments

- Advertisement -
Partagez cet article