Dat ak kote fineray Mikaben ap chante yo fikse 

Jacky Chery
Jacky Chery
dat ak kote fineray mikaben ap chante yo fikse 
Écoutez cet article

Nan yon kominike ki rann piblik jounen dimanch la, fanmi Benjamin fè konnen fineray Mikaben ap chante nan peyi Etazini, Miami, dimanch 6 novanm. Toutfwa, yon mès ap kapab òganize an Ayiti pou rann atis la dènye omaj sa. 

Yon semèn aprè Michael Benjamin mouri sou sèn nan peyi Lafrans, fanmi an deside sou kibò fineray yo ap kapab òganize. Se finalman nan Floride, Etazini, seremoni fineray yo ap chante. 

- Advertisement -
Ad imageAd image

Pou sila yo ki an Ayiti e ki pa p kapab rann yo nan peyi Etazini pou asiste ak fineray yo, yon mès ap kapab òganize pou bay atis la yon dènye ochan. Dat ak detay sou mès sa a ap kominike nan yon tan ki pa lwen, daprè sa ki ekri nan kominike sila a. 

Fanmi Mikaben pwofite di mèsi ak tout moun, espesyalman fanatik Mika yo ki pa sispann bay lanmou ak soutyen san fay yo kontinye ap manifeste pandan moman lapèn sa. 

Nan lide pou kenbe vivan zèv ak memwa atis la, fanmi an anonse desizyon ki pran pou kontinye fè mizajou nan platfòm atis la pou onore memwa l epi pataje mwayen pou soutni  fanmi an ak bezwen yo. 

Nan sans sa, fanmi Mika mete sou pye yon kanal pou aksepte don ki vize soutni patrimwàn atis la.  

Daprè fanmi an, pi fò nan lajan sa prale nan yon fon k ap la pou kouvri depans ak bezwen twa pitit Mika yo, lekòl, lopital, inivèsite, elatriye..Ti Souf, òganizasyon ki pa vize fè lajan atis la te mete sou pye, ap resevwa yon pati nan lajan sa. 

N ap raple Mickael Benjamin moun plis konnen sou Mikaben mouri 15 oktòb pase a, akoz yon arè kadyak, nan Accor Arena, pandan konsè retwouvay CaRiMi an nan vil Paris. 

 

Facebook Comments

- Advertisement -
TAGGED:
Partagez cet article
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.