Dosye majistra ki pa sètifye yo:  » Nou Pap Konplis » ap tann pwosedi legal yo 

Mackendy Filderice
Mackendy Filderice  - Rédacteur
dosye majistra ki pa sètifye yo nou pap konplis ap tann pwosedi legal yo 

Menm jan ak anpil lòt estrikti nan sosyete sivil la, Nou Pap Konplis nan yon nòt pou laprès li pibliye jedi 17 janvye 2023 a,  di li salye travay Konsèy Siperyè Lajistis la sou sètifikasyon majistra yo. Estrikti a  envite CSPJ pou li soumèt dosye chak jij devan lajistis pou limyè kapab fèt. 

Nou Pap Konplis nan nòt sa a, di li bat bravo lakontantman pou CSPJ a ki rive fè yon gwo pase men nan aparèy jidisyè a lè yo rive netwaye plizyè dizèn jij ki pa dwat andan enstitisyon an, daprè  sa estrikti a fè konnen, « sa pwouve aklè malgre tout jij nou konnen ki kowonpi andan aparey jistis la te gen kèk grenn ki dwat toujou e ki fè lonè enstitisyon an, » 

- Advertisement -
Ad imageAd image

Se sak fè, Nou Pap Konplis di li swete pou travay komisyon sa fèt pi souvan nan ekite ak san pas pouki yon mannyè pou refè figi lajistis la ki t ap vann nan lari 2 pou 15 depi kèk tan nan peyi a. 

« Nou Pap Konplis ap swete pou CSPJ a remèt ak lajistis lis non jij prezime kòwonpi yo ak abitrè  ak sa yo repwoche yo devan lajitis ak lapolis yon fason pou lajistis tande yo de sa yo repwoche yo a, yon fason pou bonjan limyè rive fèt sou sa yo repwoche yo a », ekri estrikti a, avan li fè konnen sa ap pèmèt bonjan ekzanp rive trase pou sila yo ki reve vin ranplase mesyedam sa yo konnen ki sò ki ap rezève pou yo si yo ta swiv Jij malonèt sila yo. 

N ap raple, gen apeprè 30 majistra ki pa sètifye nan men Konsèy Siperyè Lajistis la (CSPJ), daprè yon korespondans ki soti nan pi wo kò jidisyè nan peyi a ki adrese ak Minis Jistis ak Sekirite Piblik la, Emmelie Prophète Milcé.  Pami non sa yo genyen komisè gouvènman an nan TPI Pòtoprens lan Jacques Lafontant, Garry Orélien ak Jean Osner Petit-Papa.  

Daprè CSPJ a, Jij sa yo akize  de divès enpèfeksyon ak fot grav tankou absans entegrite moral, absans etik pwofesyonèl, fasilite pou lage kriminèl notwa ak kalifikasyon akademik ensifizan elatriye. 

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.