Endividi abiye ak inifòm Lapolis touye yon prezime bandi ayè madi 6 jen 2023 a, nan yon lokalite nan zòn Meyòt, yon distri ki twouve l nan komin Petyonvil.
Prezime bandi an mouri aprè plizyè moun ak inifòm Lapolis sou yo te lokalize l nan yon katye nan Meyòt. Zak sa te lakoz yon vag panik nan zòn lan paske abitan yo pa t anmezi pou konnen si reyèlman, lotè zak sila yo ta polisye.
Tout rezidan yo ki t ap swiv dram lan epi k ap viv chak jou anba presyon gwoup gang “Kraze Baryè” yo, bandi Vitelhomme Innocent ap dirije a, te oblije fèmen pòt lakay yo akoz yo te pè.
Redaksyon an pa anmezi pou konfime idantite prezime a ki pèdi lavi l la. Toutfwa, imaj kadav la te pran sikile sou rezo sosyal yo kèk tan aprè dram lan.
Facebook Comments