Enstalasyon chèf gang « Bout Black » nan Matisan 23 : plizyè inosan pèdi lavi yo  

Ravensley Boisrond
Ravensley Boisrond
enstalasyon chèf gang bout black nan matisan 23 plizyè inosan pèdi lavi yo  (2)
Écoutez cet article

Depi anviwon yon lane, gang ak zam Vilaj dedye yo ki mete ansanm ak gwoup bandi Gran Ravin yo kap batay fas baz gang Fontamara yo, pou kontwole plis teritwa. Sa a gen 2 semèn depi gwo kout bal ap chante nan rantre Sid kapital la, aprè chèf gang Izo ta vle enstale kòm chèf bandi nan zòn Matisan 23, Louis Deler, yo konnen sou non « Bout Black ». 

Enstalasyon ansyen prizonye a « Bout Black », se te youn nan estrateji chèf gang Izo te konsidere kòm solisyon, poul te okipe tout wout Matisan an, paske Bout Black se te yon ansyen chimè Fontamara. Baz gang Fontamara a depi premye tantativ enstalasyon Bout Black la pa sispann twoke kòn yo ak mesye Vilaj yo paske li se youn nan pi gwo menas yo, plizyè inosan pèdi lavi yo anba bal mawon depi aparisyon Bout Black nan zòn nan. 

- Advertisement -
Ad imageAd image

Aprè lanmò trajik jenn demwazèl sa a Raymonica Jean Felix, 1ye oktòb pase a, samdi ki te 8 oktòb la Marie Danielle Pierre, te resevwa yon bal mawon nan tèt nan moman li ta pral nan yon atelte li konn abitye koud, li te mouri sou plas. 

Yon ti detay sou Bout Black 

Louis Deler, oubyen « Bout Black » pran prizon plizyè fwa deja, premye fwa lapolis tap fouke li anba kòd se te yon 29 jiyè 2007. Li te sove nan prizon, li te al sere kòl nan zòn Lenbe, nan lane 2014, lapolis ta pral marel yon lòt fwa ankò aprè plizyè masak, plizyè ka kidnapin nonm sa a te gen sou do l. Aprè sa a li te vin sove yon lòt fwa ankò, fwa sa a li te jwenn akèy baz « 400 mawozo » sou lòt ansyen chèf baz la Yonyon, ki nan prizon.  

Akòz li te leve Fontamara epi se la a li kòmanse karyè kriminèl li, chèf gang 5 segond lan te vle enstale li kòm chèf baz Matisan 23 a, nan sousi pou gen kontwòl pi byen lokalite sa a. 

Si plizyè manm nan popilasyon sivil la te soti blese epi lòt moun mouri, akòz enstalasyon pisan kriminèl sa a, anpil bandi blese, san konte sila a yo ki mouri tou. 

Depi ayè dimanch lan pou louvri maten lendi 10 oktòb 2022 a, kout bal pat sispann chante byen fò, plizyè moun nan zòn Fontamara blije rete andedan lakay yo pou evite pwochen viktim lan. 

Facebook Comments

- Advertisement -
Partagez cet article
Follow:
Journaliste, Amateur de littérature et de la photographie, grand passionné du multimédia