Gouvènman ayisyen an ap travay pou jwenn dosye moun Lèzetazini ak Kanada sanksyone yo 

Pooshy Rosana
Pooshy Rosana
gouvènman ayisyen an ap travay pou jwenn dosye moun lèzetazini ak kanada sanksyone yo 
Écoutez cet article

Aktyèl minis Jistis ak Sekirite Piblik la, Emmelie Prophète Milcé fè konnen gouvènman ayisyen an ap travay lannwit kou lajounen pou jwenn pi meyè fason yo ka rekipere dosye moun Lèzetazini ak Kanada sanksyone pa bò isit yo pou kontribisyon yo nan tabli yon klima ensekiritè an Ayiti. 

Li fè deklarasyon sila yo pandan l t ap patisipe, jedi 24 novanm nan, nan yon atelye relansman Komite swivi chèn penal jiridiksyon Pòtoprens lan t ap fè. 

- Advertisement -
Ad imageAd image

Objektif atelye sila, dwayen Tribinal Premye Entans Pòtoprens lan òganize, reyini tout patnè chèn penal la nan lide pou yo débat sou difikilte yo rankontre nan jistis la, sitou nan kad lit k ap mennen kont detansyon prevantif pwolonje a an Ayiti. 

Daprè titilè MJSP a « ajitasyon ki gen nan medya yo pa vo rezònman legal yo. Nap travay sou pi bon fòmil pou abòde pwoblèm nan, pou gen yon kominikasyon nan dosye a paske li enpòtan pou nou konnen rezon ki fè pèsonalite sa yo te sanksyone. Pou sa, plizyè avoka ap reflechi kounye a pou idantifye pi bon fason pou yo kontinye sou dosye a ». 

Depi plizyè semèn genyen anpil pale suit ak desizyon Lèzetazini ak Kanada pran pou sanksyone plizyè pèsonalite sou sèn politik la an Ayiti pou enplikasyon yo nan trafik dwòg, koripsyon, blanchiman lajan ak finanse gang ame. 

Yon dizèn pèsonalite deja tonbe anba sanksyon peyi sila yo, se ka Berto Dorcé, Listz Quitel, Youri Latortue, Joseph Lambert, Gary Bodeau, Rony Célestin, Hervé Fourcand, Michel Joseph Martelly, Laurent Lamothe ak Jean Henry Céant. 

Si aktyèlman la politisyen paka vwayaje nan kèk peyi, san konte yo sezi byen yo nan peyi sila yo, peyi ki bay sanksyon yo te deklare se gouvènman ayisyen an ki pou deside ki santans li rezève pou yo. 

N ap raple tout konsène yo, suit ak akizasyon yo gen sou do yo, pran lapawòl pou deklare yo inonsan, y ap sal imaj yo. Men Lèzetazini ak Kanada deklare yo gen bon jan dokiman ki pwouve moun sila yo nan sak pa sa pa bò isit an Ayiti. 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.