Jamayik anonse li sispann pou yon tan ki pa detèmine sèvis konsilè li yo nan peyi d Ayiti swit ak atak ki fèt sou lokal li ki chita kò l nan menm espas ak Sun Auto S.A a, nan Taba, ayè madi 13 jen 2023 a.
Minis jamayiken Afè etranjè a fè anons lan. Kamina Johnson Smith fè konnen Jamayik pran desizyon sila swit ak bandi ki vandalize ak mete dife nan konsila Jamayik la.
Gang “Kraze Baryè” a frape ankò. Nan lannwit lendi pou rive madi 13 jen 2023, nan komin Taba, bandi Vitelhomme yo te atake konpayi Sun Auto a epi mete dife ladan l.
Malfra yo te pran sou wout yo plizyè machin pou konsesyonè a avan yo t al fè wout yo. Menm genyen 3 ajan sekirite ki disparèt. Pyès moun pa konnen si se bandi gang “Kraze Baryè” a ki kidnape yo.
Facebook Comments