Depi 2016 pa janm gen eleksyon ki fèt nan peyi a, eleksyon ki te bay Jovenel Moïse kòm prezidan ak yon tyè nan sena ki te eli pou 6 lane a, manda yo pran fen jodi lendi 9 janvye 2023 a.
Manda ti rès sena ki te gen nan tèt li kòm prezidan Joseph Lambert a fini, men non tout eli manda yo fini jodi an : Joseph Lambert, Patrice Dumont, Garcia Delva, Rony Célestin, Jean Rigaud Bélizaire, Denis Cadeau, Jean Marie Ralph Féthière, Wanique Pierre, Kédlaire Augustin et Pierre François Sildor,
Avan manda Senatè sa yo pran fen dezyèm Lendi ane sa, sou gouvènans Jovenel Moïse la nan lane 2020 de tyè (2/3) nan manda sena a te fini, men Pat janm gen eleksyon pou te konplete rès de tyè a jis Jovenel Moïse te vin mouri epi lage Peyi a nan men Ariel Henry nan yon pouvwa ki gen yon sèl tèt
Depi inogirasyon li, misyon li se te fè referandòm Jovenel Moïse t ap pwone a ak òganize eleksyon yo, malerezman pwomès yo sanble ap miltipliye.
Nan selebrasyon 219vyèm ane endepandans peyi a li te deklare, malgre gang ap fè lalwa nan peyi a men ane 2023 sa se yon ane elektoral pou gen yon prezidan ki eli nan peyi a épi pou 3 pouvwa yo fonksyonèl.
REDAKSYON : JOCELYN Couyoute
Facebook Comments