Kolera deja touye prèske 500 moun an Ayiti

Pooshy Rosana
Pooshy Rosana  - Rédacteur
kolera deja touye prèske 500 moun an ayiti

Prèske 4 mwa aprè li reparèt tèt li, maladi kolera pa sispann fè viktim chak jou nan peyi Dayiti. Jounen jodi a alòske teritwa a ap fè fas ak yon kriz sosyopolitik san parèy, Ministè Sante Piblik ak Popilasyon an (MSPP), enfòme samdi 21 janvye a, bilan moun ki trape maladi a prèske rive ak 500 ka.

 

- Advertisement -
Ad imageAd image

Wi, MSPP alète popilasyon an sou evolisyon maladi “idrik” sila ki deja simaye dèy nan plizyè pwen nan peyi a deja. Li fè konnen 496 moun gentan mouri akòz kolera pa bò isit.

 

Teritwa ayisyen an deja anrejistre 25 mil 182 ka sispèk ak 21 mil 407 moun ki sou kabann lopital, pami yo 73 nouvo ka, tandiske 312 moun sou 496 ki mouri yo se nan yon sant kote y ap bay swen yo rann dènye souf yo, epi 184 lòt yo mouri nan kominote kote y ap viv.

 

Otorite sanitè yo bay asirans, nan yon bilten, laj mwayen moun ki enfekte yo se 19 lane epi to pozitivite a se 37,25%. Epi tou 56,60% nan ka sispèk yo se gason.

 

Tranch laj ki plis touche yo daprè MSPP se timoun 1 lane pou al bout 4 lane, avèk 374 ka ki konfime sou plis pase 3 mil ka sispèk.

 

Lwès la, kote 1 tyè popilasyon an ap viv, se depatman ki plis touche avèk 1 155 ka konfime sou 16 mil 408 ka sispèk.

 

N ap raple semèn pase a, Òganizasyon Mondyal Lasante (OMS) te bay avètisman mond lan ap sibi yon seri epidemi kolera san parèy nan peyi ki touche ak pwoblèm klimatik yo, pami lòt kriz, alòske vaksen kont maladi sila vin “ra anpil”.

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.