Lachin mande BINUH remèt Nasyonzini lis gang k ap fè dega an Ayiti yo ak tout non chèf yo 

Pooshy Rosana
Pooshy Rosana
lachin mande binuh remèt nasyonzini lis gang k ap fè dega an ayiti yo ak tout non chèf yo 
Écoutez cet article

Anbasadè peyi Lachin, Geng Shuang mande pandan entèvansyon l devan konsèy sekirite Nasyonzini an pou BINUH (Bureau Intégré des Nations-Unies en Haïti) remèt konsèy la lis gang k ap simaye latwoublay nan peyi a ak tout non chèf gang k ap dirije yo a. 

Yon demand diplomat la fè nan lide pou yo ka konsidere ki tip mezi yo pral pran kont moun sila yo. 

- Advertisement -
Ad imageAd image

Se Lachin menm ki te mande pou yo konvoke rankont sila ayè lendi 26 septanm nan, nan aprèmidi, pou konsèy la te ka diskite sou sitiyasyon sosyosekiritè peyi d Ayiti, ki bay gwo kè sote pa bò kote Lachin ak tout lòt peyi manb ki te pran lapawòl yo. 

“Pandan zye mond lan te fikse sou Nouyòk ak Asanble jeneral Nasyonzini an semèn pase a, sitiyasyon Ayiti te vin pi mal. Fas ak sitiyasyon sa, konsèy la dwe tradwi pawòl li an aksyon”, se deklarasyon  anbasadè chinwa Geng Shuang, ki te ajoute “nou espere Etazini ak Meksik pral remèt nou byen rapid posib yon pwojè rezolisyon epi òganize bon jan konsiltasyon pou konsèy la ka pran yon desizyon sou kesyon sa a”. 

Misye Shuang ensiste pou di : “si n pa frennen aktivite banditis yo nan peyi d Ayiti, pa p janm gen lapè la”.  

Pa bò kote pa l, direktris BINUH an, Helen La Lime te etale devan konsèy la jan sitiyasyon teritwa ayisyen an grav epi konsekans zak vyolans gang yo genyen sou sosyete a, sitou sou fanm ak timoun yo. N ap raple, malgre tout sa yo, reprezantan Ayiti nan konsèy la, minis Afè etranjè Jean Victor Généus, te deklare nan diskou l “sitiyasyon an sou kontwòl” pa bò isit. 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.