Peyi d Ayiti nan ensekirite, Lèzetazini chwazi fè l kado 3 bis jòn 

Pooshy Rosana
Pooshy Rosana
peyi d ayiti nan ensekirite, lèzetazini chwazi fè l kado 3 bis jòn 
Écoutez cet article

Depi lendi swa nouvèl sila ap fè pale anpil, Lèzetazini voye fè Ayiti kado 3 gwo bis jòn pou rantre lekòl la ki ta sipoze fèt 3 Oktòb k ap vini la. Sou rezo sosyal li yo, anbasad Lèzetazini ki an Ayiti fè konnen l ap toujou la pou ede Ayiti nan moman ki difisil yo. 

“Travay ann ekip ant U.S. Southern Command (SOUTHCOM) ak 349th Air Mobility Wing ki nan #TeamTravis la pou delivre 3 otobis lekòl nan Aéroport international Toussaint Louverture – PAP, nan sipò ONG nan Pwogram Asistans Imanitè Denton. Menm nan moman difisil, Etazini sipòte Ayiti nan fason gwo kou piti. 🇺🇸🇭🇹 #AFRC”, nou te ka li sou paj Facebook ak Twitter anbasad la, pa bò isit. 

- Advertisement -
Ad imageAd image

Aprè mesaj sila, anpil Ayisyen te konsidere jès sila tankou yon ensilt epi fè konnen si se pou yo Lèzetazini te mèt kenbe 3 bis li yo lakay li. 

“Kote entrepreneurs Kite construit 3 autobus Haïti an, Sak explike yo pat ka bal contrat sa poul te construit autobus yo pou l état aysyen. Li tap créer travail, Li tap produits nationale de la fierté haïtienne.” : Jack’c Compétent  

“33 milya dola pou Ikrèn goumen kont Larisi, an Ayiti nou bezwen 3 bis (pèpè) pou timoun lekòl nou yo.  Ala yon joure pou Ayiti cheri nou, trè bel jès yon zanmi ou vòlè, piye, jwe hummmm Desalin ede nou fè fas ak kolon sa yo ak san skrupil sa yo.” : Lafleur#Safetypromo 

“Yo bannou Bis pou n fè barikad…” : Smanidjineo Neolien 

“Men moun sa yo ranse ak figi nou vre, alò tout deriv nap sibi la yo se solisyon an sa nou merite kòm rekonpans kò’m rès moun sa yo nou gen la paka gade blan nan zye pou yo pale ak blan.”: Dat Mosselin 

“Wè monchè mba nou respè nou. Map pral gade sansal ki pral resevwa bis sa yo kap vini bat bravo.” : Libete Fratenite Egalite Haiti 

Se kèk pami divès kòmantè nou te ka li anba plizyè paj sou rezo sosyal yo, kote anpil sitwayen fache aprè jès sila Lèzetazini fè ak sipò plizyè ONG ki nan pwogram asistans imanitè nan vil Denton, kay Tonton Sam. 

Alòske peyi a nan yon kriz sosyosekiritè san parèy, mete sou sa sa gouvènman Ariel Henry neglijan fas ak revandikasyon pèp la, Lèzetazini chwazi ede teritwa ayisyen an konsa. Suit avèk don sila, plizyè manb nan popilasyon an di « si se te pou yo, yo patap resevwa “fatra” sa yo nan Lèzetazini, yo vo plis pase sa, yo pa gen pwoblèm bis, yo gen pwoblèm sekirite, lamanjay, travay, avèk gaz». 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.