Yon fanm nan Colorado ki rele Andrea Serrano epi ki genyen 31 lane kondane pou pase 90 jou nan prizon aprè li te abize seksyèlman epi menm rive ansent pou yon tigason 13 lane ki te konsidere l tankou yon manman pou li.
Nan mwa jiyè 2022, lapolis te arete Andrea Serrano paske l te akize dèske li te fè zak seksyèl sou yon timoun. Se terapet li ki te dekouvri sa epi denonse l daprè dailymail. Nan mwa fevriye 2023, akizasyon yo te diminye a ensès sou ti gason sa ki te wè li tankou yon manman .Dapre KRDO, akizasyon yo te bese paske l te aksepte yon akò avèk pwokirè yo. Akò sa t ap pèmèt li pa pran prizon men yo t ap konsidere l tankou yon delekan seksyèl epi leta ap gen pou veye l pandan 10 lane. Akò sa te fèt paske l temwanye epi avwe .
Yon desizyon manman ti gason an pa t dakò akoz delekan seksyèl lan paske pa gen okenn lyen san ak pitit li an. Pi lwen, li fè konnen lajistis pa trete dosye a jan l ta dwe fèt. Li deklare: ” si pitit mwen an te yon tifi, epi dam lan te yon gason 31 lane yo t ap kenbe li nan prizon”.
Alòke akò Andrea Serrano a te ka evite l pran prizon, yon jij deside kondane l pou l pase 90 jou nan prizon men y ap retire semèn li te gentan fè nan prizon apre arestasyon li 5 jiyè 2022 an, avan li te peye 70 000 dola pou liberasyon li .
Andrea Serrano ki gentan akouche, fè konnen li te sou, lè li te rive fè bagay ak ti gason 13 lane an.
