Lapolis nasyonal Dayiti (PNH) nan yon nòt fè konnen yo te arete Difrance GAMBY, apre li te enplike nan abi seksyèl sou plis pase dis (10) minè, gason, ki gen laj ant 11 ak 17 lane.
Vreman vre, Brigad Pwoteksyon Minè (BPM), yon antite nan Direksyon Santral Lapolis Jidisyè (DCPJ), te resevwa plent nan men lidè kominote relijye yo ki rele « Fanmi Kizito », ki gen plizyè kay pou akeyi timoun vilnerab yo.
Difrance GAMBY, ki travay nan enstitisyon sa a, te denonse paske li te fè abi seksyèl ak kadejak sou minè yo nan espas sa. Yo te konvoke li nan DCPJ pou yo te tande l.
Pou kounya, Difrance GAMBY, ki travay nan plizyè òfelina, sitou nan Lizon, Delmas 31 ak Site Solèy, nan DCPJ annatandan yo voye l bay tribinal konpetan nan zafè a.
Facebook Comments