Lapolis mete lapat sou pè Fritz Désiré nan kad dosye Legliz Episkopal la

Jacky Chery
Par Jacky Chery  - Rédacteur
lapolis mete lapat sou pè fritz désiré nan kad dosye legliz episkopal la

Aprè plizyè mwa nan kache, Lapolis arete jodi mèkredi 10 me a pè Fritz Désiré ki gen non l site nan dosye kagezon zam ak bal ajan fòs lòd yo te sezi nan waf Pòtoprens lan.

Daprè enfòmasyon ki rive jwenn nou, responsab Legliz Episkopal la jwenn arestasyon l jodi mèkredi a nan komin Petyonvil, presizeman sou wout frè. Pè Fritz Désiré te gen avi rechèch dèyè l.

- Advertisement -
Ad imageAd image

Biwo afè finansye ak ekonomik (BAFE) te sòti yon rapò ankèt nan kòmansman mwa avril ki sot pase a ki te montre enplikasyon Pè Fritz Désiré nan dosye trafik zam ak bal sa ki t ap fèt sou kouvèti Legliz Episkopal.

Pou kounya, pè a twouve l nan men otorite Direksyon santral polis jidisyè yo ki poko fini ak ankèt sou dosye sa.

N ap raple, yon dizèn moun deja anba kòd nan kad dosye sa, pami yo pè Frantz Cole, Gina Rolls, kontab Legliz Episkopal la, Jean Gilles Jean Marie, elatriye…

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.