Lionel Messi mande padon pou vwayaj nan peyi Arabi Sawoudit li an

Jacky Chery
Par Jacky Chery  - Rédacteur
lionel messi mande padon pou vwayaj nan peyi arabi sawoudit li an

Chanpyon dimond ajanten an ki sou sanksyon nan Paris Saint-Germain akoz vwayaj nan peyi Arabi Sawoudit li an pandan kòmansman semèn lan, prezante eskiz li jodi vandredi an nan videyo ki pibliye sou Instagram.

Lionel Messi ki te rann li nan Mwayen oryan lendi ki sot pase a san otorizasyon klèb lan, reyaji pou premye fwa depi epizòd sa ki pouse direksyon PSG an sanksyone l pou li pa patisipe nan okenn aktivite klèb la pandan de semèn.

Nan videyo sa ki deja ap sikile toupatou sou rezo sosyal yo, atakan ajanten an fè konnen li te panse li gen dwa ale nan peyi Arabi Sawoudit akoz jeneralman klèb la toujou bay youn oubyen de jou konje aprè chak match.

« Mwen te òganize vwayaj la e mwen pa t ka anile l. Mwen te anile l yon fwa deja. Mwen mande tout ekipye m yo padon e m ap tann sa klèb la deside fè avè m lan », pawòl chanpyon dimond ajanten an k ap konnen yon move moman nan peyi Lafrans.

N ap raple, aprè ensidan sa ki rive a, direksyon PSG an ta pran desizyon pou kanpe tout negosyasyon yo t ap mennen pou tante pwolonje nimewo 30 yo ki gen kontra l k ap bout nan mwa jen k ap vini la.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.