Lopital “La Paix” Dèlma 33 kanpe sèvis li akoz Black-out peyi a ap fè fas

Witson Beaujour
Par Witson Beaujour  - Rédacteur
lopital “la paix” dèlma 33 kanpe sèvis li akoz black out peyi a ap fè fas

Lopital “La Paix” nan komin Dèlma, espesyalman Dèlma 33, kanpe tout sèvis li yo akoz kriz elektrisite rejyon metwopolitèn Pòtoprens lan ap fè fas dènye tan sa yo. Enfòmasyon an konfime jodi jedi 11 me 2023 a, aprè yon apèl telefonik ak yon responsab nan lopital la.

Zafè blakawout la nan peyi a pi plis pase sa nou ta ka konsidere kòm abitid nan lavi chak Ayisyen. Aprè plis pase 3 mwa depi limyè EDH pa brennen etensèl li nan anpoul kay konpatriyòt yo. Anplwaye EDH yo plenyen anpil akoz enstitisyon an dwe yo 6 mwa travay. Se sa ki ta lakoz yo mete kanpe yon grèv epi menm kreye panik sou materyèl yo andedan biwo yo pou anpeche fonksyonnman EDH pandan ti bout tan sa a.

Kèk ladan yo ki ta fè pati Sendika anplwaye EDH yo menm fè konnen si yo peye yo pou pi piti 5 mwa nan sa yo dwe yo, y ap fè mannèv pou bay elektrisite nan peyi a.

Fenomèn fè nwè a pa sèlman touche kliyan fantezi EDH yo, men lakoz tou yon bon rate dlo glase, sitou pandan peryòd chalè sa a ki pa sispann degringole, daprè dènye prediksyon CARICOF yo.

Pi lwen, lopital Sanatorium nan Kafou Fèy enfòme yo menm tou yo kanpe sèvis yo akoz pàn elektrisite a ki pa sispann mangonmen, daprè pawòl Doktè Jean Ardouin Louis-Charles.

Facebook Comments

- Advertisement -
Partagez cet article
Witson Beaujour
Par Witson Beaujour Rédacteur
Witson Beaujour, journaliste-rédacteur, chanteur, musicien et mécanicien industriel. Passionné de reportages, de documentaires et de lecture.