Malgre tout revandikasyon popilè kont ogmantasyon pri gaz la, gouvènman ayisyen an toujou kenbe menm pozisyon an 

Witson Beaujour
Witson Beaujour
©AP Photo/Odelyn Joseph
Écoutez cet article

Malgre gwo leve kanpe ki te tanmen nan tout peyi a pou te  kontrekare disizyon Ariel Henry te pran pou te mete yon gwo pousantaj sou pri gaz la a, se te yon lave men siye atè, moun pèdi lavi yo, sila a yo ki pèdi biznis yo pase plizyè lane ap konstwi ak swè yo nan kokenn chenn manifestasyon ki te òganize kont gouvènman Ariel Henry a. Depi kèk semèn aprè mobilizasyon yo, pratik vann gaz atè a te bwase pi rèd pase pate cho, chofè machin kou motosiklèt te pran plezi achte yon ti galon gaz ak plis pase 3.500 jiska 5.000 Goud lesko. Alòske yo pa t vle pran l nan ponp ak 570 Goud. 

Depi aprè enstans kriminèl ki bay tèt li non « G9 An Fanmi E Alye » a ki genyen kòm sèl pipirit li Barbecue. Te fin kenbe an otaj Tèminal Vare a pou anpeche distribisyon gaz yo, pèp la a te kanpe bò kote gang yo nan sousi pou satisfaksyon yo te kapab rezoud, pandan tan sa a gaz la te pwofite flannen nan tout peyi pou plizyè fèy Hyppolite. Pri machin yo te kòmanse egzajere, motosiklèt menm se pa pale.  

- Advertisement -
Ad imageAd image

Sòti Pòtay pou rive nan estasyon Petyonvil, kous machin nan te gentan pase a 100 Goud, Dèlma pou desann Pòtay Leyogàn kous la te gentan koute 50 Goud kamyonèt bis se pa pale.    Aprè blan meriken yo te menase gang yo y ap met pye sou tèritwa nasyonal la a pou konbat yo epi sanksyone yo, rapidman PNH la a te pran konfyans, nan mwens yon semèn gang yo te bay espas rantre Vare a blanch, toutswit Lapolis anonse nan yon nòt ki te pibliye nan fen mwa oktòb la a  » yo pran kontwòl Tèminal la ». San pran tan ministè komès la a te pwofite anonse nan dat 8 novanm lan distribisyon gaz yo andedan tout ponp yo ak antrepriz yo[…] Vizit yo te mennen nou nan plizyè rakwen  peyi a pou evalye anons Ministè Komès ak Endistri te fè semèn pase a. Jan sa a te anonse a, gaz la a ki te dwe disponib depi 9 pou rive 12 novanm 2022 a te respekte kòmsadwa, devan plizyè ponp nou te remake yon bon pousantaj machin devan ponp yo. 

Daprè konsta nou fè nan lari yo, yon bon kantite ponp te distribye gaz nan yon kalm aparan nan sant vil peyi a, soti nan ponp Tijo pou rive Kanapevè pat manke gazolin, pase sou wout Lali pou pran avni Kristòf se te menm anbyans lan. Nan minisipalite Taba sitou nan Kafou Fleryo, konklizyon an pa chanje. Nan Delmas 2 liy lan pat piti. Menmsi tout ponp nan Petyonvil yo pat delivre gaz la, nou ka di gouvènman an te kenbe jiska 60 %  nan kapital la. 

Nou te remake tou prezans ti galon jòn yo, menmsi te gen ti chire pit ant sitwayen ak galon yo ak chofè yo, men sa pa t kenbe. 

N ap raple tout moun, pri gaz la a vann nan menm pri Premye Minis Ariel te anonse fwa dènye anvan mouvman pwotestasyon yo. Gazolin 570 Goud, dyezèl 670 Goud san manke yon yota. 

Antouka, se pat sèl gouvènman an ki te krache sou mouvman pèp la, pèp la krache sou san konpatriyòt ki te bay lavi yo pou revandiksyon yo. 

Facebook Comments

- Advertisement -
Partagez cet article
Witson Beaujour, journaliste-rédacteur, chanteur, musicien et mécanicien industriel. Passionné de reportages, de documentaires et de lecture.