Manchester City pran tèt klasman Premier League la nan men Arsenal

Gabriel Emmanuel
Par Gabriel Emmanuel  - Rédacteur
manchester city pran tèt klasman premier league la nan men arsenal

Nan kad yon match anreta nan Premier League la (12zyèm jounen), ayè mèkredi a. Manchester City mete do Arsenal atè 1-3, yon viktwa ki bay Citizen yon tèt klasman Premier League la ak menm kantite pwen ak Gunners yo. Arsenal tombe lakay li, yon chòk ki te desizif pou 2 ekip yo, k ap batay pou tit la pandan sezon sa. 

Arsenal ki sou 3 match san viktwa nan Premier League la (2 match nil,  yon defèt) kontinye ap pèdi pwen nan pati ki pi enpotan nan sezon an. Gunners yo tonbe lakay yo fas ekip Manchester City a ki te pye pou pye dèyè yo. Rankont lan fini 1-3, Skyblues yo pran tèt klasman an pou pi bon diferans ak konfwontasyon dirèk devan Arsenal.

- Advertisement -
Ad imageAd image

 

Kòmansman match la pa t movè pou Gunners yo, men nan 24yèm minit defansè japonè a Tomiyasu  ta pral fè yon gwo erè, sa ki te pèmèt Kevin de Bruyne ouvè mak la pou Citizen yo (0-1). Nan menm mitan sa, Bukayo Saka ta pral jwenn egalizasyon an pou Arsenal sou yon penal.  (1-1).

 

Aprè poz la ekip Arsenal la te kontinye ap miltipliye erè li yo nan rankont lan, yon lòt fwa Gabriel ta pral pèdi yon boul fas Bernado Silva, sa ki ta pral mennen 2zyèm gòl la nan match la. Jack Grealish te mete ekip Manchester City a devan 1-2.

 

Anonse fofè avan match sa, Erling Haaland ta pral mete fen ak espwa Gunners yo, ki te swete pran grenn pwen an. Nòvejyen an ta pral fè 26zyèm gòl li pou sezon sa epi ofri ekip Guardiola tèt klasman Premier League la ak yon pi bon diferans.

Facebook Comments

- Advertisement -
Partagez cet article