Depi aprè Mondyal 2022 a, Manchester United afiche yon fòm anraje nan Premier League la. Jodi dimanch 12 Fevriye 2023 lan yo te menn rive nan 2zyèm plas klasman avan Manchester City te bat Aston Villa. Reds Devils yo bat Leeds (2-0) nan Elland Road la, bitè yo se Marcus Rashford ak jèn Ajanten an Alejandro Garnacho.
Manchester United kontinye ap montre li anfòm nan Premier League la, pou 23zyèm jounen an, Reds Devils yo bat ekip Leeds United la 2-0. Viktwa sa apwoche yo plis ak Manchester City, ki yen 48 pwen.
Marcus Rashford ki pa sispann fè gòl pou United, depi lè l soti nan Mondyal la li gentan fè 13 gòl. Jodi a se li menn ki tap pral délivré ekip la nan 80tyèm minit (0-1), li gen 20 gòl nan klasman bitè Premier League la.
5 minit pat pase, jèn Ajanten an Alejandro Garnacho tap pral double miz la epi sele vitwa pou United. Nan fen rankont lan, Rashford pase tou prè pou l te fè yon double.
Pwen enpòtan nan match, David de Gea jwe 400tyèm match anba gòl ekip United la. San n pa bliye bon travay antrenè Nèlandè a, viktwa sa, se fwi bon travay Ten Hag nan tèt ekip la. Reds Devils yo gen 46 pwen epi Leeds United bò kote pa l ap pèdi pwen nan klasman, li 17tyèm ak 19 pwen nan zòn relegasyon an.
