Masak nan Penitansye nasyonal

Pooshy Rosana
Pooshy Rosana
masak nan penitansye nasyonal
Écoutez cet article

Depi plizyè jou genyen gwo alèt ki bay sou kondisyon detansyon prizonye yo anndan sant kaseral yo nan peyi d Ayiti. Malgre tout sa yo pyès dispozisyon vizib poko janm pran pou pote fanm ak gason sila yo sekou atravè tout teritwa. 

Anndan Penitansye nasyonal patikilyèman gen yon malè pandye sou tèt chak grenn moun, prizonye kou gadyen akòz kondisyon sanitè yo ki pa bon ditou. Nan mitan kras ak salte, otorite yo ki nan leta abandone prizonye yo ak pwòp sò yo. 

- Advertisement -
Ad imageAd image

Pi gwo sant kaseral peyi a se yon veritab ansiklopedi kote w ka chèche tout maladi. Gen prizonye ki gen sida, tibèkiloz, kolera, gratèl, pwoblèm kadyak ak respirasyon, malnitrisyon, elatriye.  

Prizonye yo ap fè fas ak tout kalte pwoblèm sila yo alòske dispansè ki anndan pa fonksyone lontan sa, se sa nou aprann.  

San dlo, san manje, yo lage 2 bra pandye nan selil yo nan chalè ak move sant pipi, poupou ak kadav lòt detni ki anndan k ap desose. Se sa ki t ap pral pouse yo sòti anndan selil yo pa fòs semèn pase a pou te pwoteste kont move tretman y ap sibi anndan prizon an. 

Detni yo denonse « se yon masak leta ayisyen ap fè sou yo », paske otorite penitansyè yo kreye tout kondisyon pou yo pa sòti vivan anndan prizon an sitou avèk kolera k ap fè ravaj anndan malgre lòt maladi yo. 

N ap raple, depi dat 27 septanm pase se plis pase yon trantèn prizonye ki mouri akòz mank swen ak lamanjay, elatriye. Depi dènye jounen mobilizasyon yo nan lari Pòtoprens ak nan plizyè vil pwovens, moun ki anndan prizon yo soufri pi plis akòz sikilasyon woutyè a paka fèt kòrèkteman. Sa lakòz yo pa jwenn aksè ak manje, dlo epi pwodwi ijyenik pou pran swen kò yo. San konte fanmi yo paka bay yo vizit. 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.