Foutbòl la konnen anpil gran jwè, jwè ki rive fè anpil fanatik kontan ak talan yo, kalite teknik yo, bèl pas yo ak bèl gòl yo. Nan koze fè gòl ak konsistans, Messi ak Cristiono Ronaldo se 2 jwè ki maltrete anpil ekip epi mete dlo nan je anpil fanatik, kantite tit yo pran ak gòl yo fè se yon bagay eksepsyonèl. Men lis ekip Messi ak Cristiano Ronaldo bay plis gòl nan sa ki gen pou wè ak seleksyon.
Nan 10 dènyè lane sa yo, Messi ak Cristiano Ronaldo fè foutbòl la viv anpil emosyon ak talan yo, kapasite yo genyen pou yo bat yon ekip epi fè gòl nan rankont yo. Se pa pou san rezon, Ajanten an ak Potigè a se 2 jwè ki depase 100 gòl nan zafè seleksyon ,a yo 2 a se 12 Balon dò, yon bagay ki pat janm fèt nan jwèt la.
Lis seleksyon Messi bay plis gòl
Anpil analis ak kòmantatè foutbòl kwè Messi se meyè jwè mond lan aprè Mondyal 2022 a, yon deba kap kontinye paske pou anpil lòt, Messi vini aprè Pelé. Nan karyè Pulga li fè anpil viktim, men lis ekip li fè plis gòl yo:
Bolivi, 8 gòl pou 11 match
Irigwe, 6 gòl pou 12 match
Kolonbi, 6 gòl pou 8 match
Brezil 5, gòl pou 13 match
Estoni 5, gòl pou yon match
Lis seleksyon C.Ronaldo bay plis gòl
Potigè a se youn nan jwè ki make istwa foutbòl la, ak kantite rekò li pran, ak fason li ede ekip li epi kantite gòl li make nan karyè li se yon bagay san parèy. Ekip C.Ronaldo bay plis gòl sou mayo Pòtigal la se :
Liksanbou, 11 gòl pou 11 match
Swèd, 7 gòl pou 7 match
Litiani, 7 gòl pou 3 match
Ongri, 6 gòl pou 6 match
Andò, 6 gòl pou 3 match
2 jwè sa yo fè anpil bagay nan monn foutbòl la.
Facebook Comments