Ministè Edikasyon Nasyonal ak Fòmasyon Pwofesyonèl nan yon kominike li pibliye ayè vandredi 6 janvye 2023 a fè konnne distribisyon liv lekòl inik la ap kontinye nan plizyè depatman tankou Sidès, Grandans elatriye.
« Ministè Edikasyon Nasyonal ak Fòmasyon Pwofesyonèl kontinye rapouswiv operasyon distribisyon liv eskolè inik. Grandans, Sidés ak rejyon Palm resevwa jounen jodi a plizyè bwat liv inik », te ekri ministè a nan yon nòt.
5 janvye 2023 : Konbit pou livrezon liv inik an kreyòl yo kontinye nan plizyè rejyon jodi a. pic.twitter.com/Hn7QGQ7cgO
— Nesmy Manigat (@nesmymanigat) January 6, 2023
Daprè Ministè Edikasyon Nasyonal ak Fòmasyon Pwofesyonèl (MENFP), distribisyon sa a fèt gras ak sipò patnè MENFP yo, ministè a fè konnen tou dapatman ki poko benefisye de liv lekòl inik la ap jwenn li byento.
« Ansanm ansanm ak apwi plizyè patnè n ap vanse pou nou kouvri tout zòn nan 10 depatman yo », te konkli Ministè a nan nòt li a.
