Aprè seleksyon pòtigal la te fin kraze ekip Swis la nan uityèm final (6-1) samedi pase a, san Ronaldo paske l te sou ban. Record, ki se yon medya nan peyi Pòtigal te fè konprann sipèsta potigè a te vle kite seleksyon an paske l pat kòmanse match la. Pou ansyen jwè Manchester United la, se yon gwo manti medya a fè sou li.
Ekip Pòtigal la ap konpòte l byen pou mondyal la nan peyi Kata, Aprè l te fin imilye jwè Swis yo, jwè Fernando Santos yo pral toke kòn yo ak ekip Mawòk la k ap make listwa pou 22yèm edisyon mondyal sa. Medya Record, te anonse Cristiano Ronaldo ap kite seleksyon an paske l pat kòmanse rankont lan fas ekip Swis la. Yon enfòmasyon Federasyon pòtigal la demanti.
Aprè tout istwa sa yo, jwè ki ranpòte 5 balon dò a soti nan silans li pou l fè konprann gwoup la soude epi ini.
»Nou se yon gwoup ki ini, pa gen okenn fòs k ap antre k ap ka desoude nou. Nou gen yon nasyon ki gen anpil kouraj. Yon bon ekip k ap batay pou rèv li jiskobou!
Ede nou kwè, an n ale Pòtigal! »
Facebook Comments