Nan epòk Grès Antik la, lage yon pòm sou yon moun sete yon deklarasyon lanmou 

Sam Sarah Devilus
Sam Sarah Devilus  - Rédactrice
nan epòk grès antik la, lage yon pòm sou yon moun sete yon deklarasyon lanmou 

Nan mitoloji Grèk la, yo te asosye pòm ak ewotis, oubyen tout sa ki gen pou wè ak lanmou. Nan tan Grès antik la, lè yon gason voye yon pòm sou yon fanm, sa te vle di li renmen l e li vle marye ak li. 

Si nan peyi nou lè yon nèg voye yon ti wòch sou yon fanm yo di li se nèg Benè kòm kwa nèg zòn sa yo pa konn koze, depi yo renmen yon fanm se ti wòch yo voye sou li, ebyen nan epòk Grès antik la, yon nèg ki te vle fè yon fanm konnen li renmen l te voye yon pòm sou li. Si fanm nan pran l, sa ta vle di li renmen mesye a tou. 

- Advertisement -
Ad imageAd image

Aksyon sa vin pran sinifikasyon sa, akoz Eris, deyès mezantant la ki te fache paske yo pat envitel nan yon maryaj. Li pran yon pòm koulè lò, li ekri « Pou fanm ki pi bèl la » sou li, epi li lagel nan sal ki t ap resevwa fèt maryaj la. Hera, Athena ak Aphrodite se 3 lòt deyès ki fè konnen se yo ki te lage pòm nan. Pou depataje yo, chèf yo te dezinye Pâris de Troie pou seleksyone kiyès ki te vrèman lage pòm nan. 

3 deyès sa yo ta pral bay Pâris de Troie lajan anba anba pou l te kapab di se yo ki lage l, men li ta pral di se Aphrodite, paske manzè te pwomèt li, l ap fè l renmen ak Helène, ki te yon bèl grenn fanm nan epòk la. 

Li chwazi Aphrodite e kòm se li ki deyès lanmou, daprè mitoloji Grèk la, yo tou asosye pòm nan ak aksyon lage yon pòm sou yon moun, kòm yon deklarasyon lanmou.  

Facebook Comments

- Advertisement -
Partagez cet article
Sam Sarah Devilus
Par Sam Sarah Devilus Rédactrice
Follow:
Journaliste / Communicatrice / Bookstagrameuse.