Nasyonzini konte sanksyone plis pase 800 moun pou enplikasyon yo nan move zak an Ayiti 

Pooshy Rosana
Pooshy Rosana
nasyonzini konte sanksyone plis pase 800 moun pou enplikasyon yo nan move zak an ayiti 
Écoutez cet article

Lis moun ki enplike nan zak banditis yo poko fin konplè toujou. Aprè plizyè pèsonalite politik fin tonbe anba sanksyon Lèzetazini ak Kanada, gouvènman kanadyen an fè konnen li gen bon jan enfòmasyon ki pwouve enplikasyon moun li bay sanksyon yo nan finanse gang pou kraze peyi a, ak enplikasyon yo nan koripsyon. 

Genyen plis pase 800 moun Nasyonzini lonje dwèt byen long sou yo nan menm dosye sa, se sa nou aprann pa bò kote Radio Télé Métronome, ki site sous li yo. 

- Advertisement -
Ad imageAd image

Plizyè santèn enplike sila yo pa sèlman moun ki aktif sou sèn politik la, men genyen ladan yo ansyen dirijan politik, manb nan opozisyon an, moun ki sòti nan sektè prive a, ak jounalis tou. Nasyonzini ap travay pou pibliye lis sila. 

N ap raple, Kanada ak Lèzetazini mete tèt yo ansanm depi kèk tan pou pran bon jan sanksyon kont plizyè moun pa bò isit an Ayiti ki kontribiye nan kraze peyi a, genyen ki menm sòti nan pouvwa anplas la, tankou ansyen minis Jistis Berto Dorcé ak ansyen minis Enteryè Listz Quitel, ki te nan Enteryè. Yo anpeche yo rantre Ozetazini ak Kanada. 

Genyen lòt moun ki tonbe anba sanksyon tou tankou Youri Latortue, Joseph Lambert, Gary Bodeau, Rony Célestin, Michel Joseph Martelly, Laurent Lamothe ak Jean Henry Céant. Genyen lòt non ki nan wout toujou, y ap sanksyone yo epi sezi byen yo genyen aletranje. 

Toutfwa, malgre tout moun sa yo pèdi privilèj yo nan kèk peyi nan mond lan, Lèzetazini ak Kanada te deklare se lajistis an Ayiti ki pou deside sò moun sa yo. Pa bò kote pa l, Kanada deklare li pran angajman pou l travay ansanm ak lòt patnè l yo pou bay Ayiti èd ki nesesè yo, epi soutni solisyon a lon tèm dirijan Ayisyen yo ap mennen pou tabli lapè sou teritwa. 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.