Ouragan Fiona : Pwoteksyon sivil anonse leve alèt vijilans jòn nan sou Ayiti 

Jacky Chery
Jacky Chery
ouragan fiona pwoteksyon sivil anonse leve alèt vijilans jòn nan sou ayiti 
Écoutez cet article

Nan yon kominike ki pibliye jounen madi 20 septanm 2022 an, Direksyon pwoteksyon sivil anonse sistèm jesyon risk ak dezas yo leve ofisyèlman alèt vijilans jòn ki te sou peyi a pandan pasaj ouragan Fiona sou zile Karayib yo. 

Daprè Direksyon pwoteksyon sivil, gen posiblite pou kontinye gen lapli pandan nwit la pou rive demen mèkredi 21 Septanm nan, nan tout depatman yo sitou nan depatman Nò, Nòdès, Nòdwès, Latibonit, Sant, Lwès ak Sidès, malgre sant ouragan Fiona ki sanse pase nan lanmè sou kòt Nò Ayiti a. 

- Advertisement -
Ad imageAd image

Nan sans sa, «Direksyon Jeneral Pwoteksyon Sivil mande tout moun, fanm kou gason, timoun kou granmoun, toujou pran anpil prekosyon epi kontinye respekte konsiy sekirite yo parapòta inondasyon – sitou inondasyon bridsoukou – deboulonnay tè, glisman teren ak move kondisyon lanmè», sa nou kapab li nan kominike sa. 

«Si otorite yo mande w evakye oswa si w santi ou menm lavi w oubyen sante w menase, deplase ansanm ak fanmi w ale yon kote ki pi asire, pandan n ap pwoteje tèt n ou. Pinga travèse pou kwakseswa dlo k ap desann, pa fè l ni apye, ni sou bèt, ni a moto, ni sou bekàn, ni nan machin. Si w te nan lari epi ou wè gwo dlo kòmanse monte pi devan, pito w kase tèt tounen, menm si w nan machin. Yon dlo wotè yon ti chèz ba k ap desann deja twòp pou bwote yon ti machin ale.» 

Direksyon jeneral pwoteksyon sivil fè konnen egalman l ap kontinye swiv evolisyon sitiyasyon an epi bay garanti ak popilasyon an l ap kontinye kanpe bò kote l nan bon tan tankou nan sitiyasyon difisil yo. 

Facebook Comments

Partagez cet article
Jacky Chery
Posté par Jacky Chery
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.