Pastè Armel Lafleur pa reponn envitasyon Pakè Pòtoprens lan 

Jacky Chery
Jacky Chery  - Rédacteur
pastè armel lafleur pa reponn envitasyon pakè pòtoprens lan 

Nan yon korespondans ki adrese ak komisè gouvènman Pòtoprens lan, Jacques Lafontant, pastè Armel Lafleur mande repòte envitasyon sa Pakè jiridiksyon an te voye ba li pou jodi 4 janvye a. 

Atravè kabinè avoka li, pastè Armel Lafleur ki enplike nan yon eskandal similasyon seksyèl k ap fè anpil pale sou rezo sosyal yo depi kòmansman semèn lan anonse li p ap ka prezante nan Pakè Pòtoprens jounen mèkredi an jan komisè gouvènman an te mande l lan. 

- Advertisement -
Ad imageAd image

Kabinè ki gen chaj defann pastè a bay kòm motif delè envitasyon an ki rive anviwon 24è avan dat komisè gouvènman Pòtoprens lan te fikse pou tande lòm Bondye an. Batri avoka pastè an presize envitasyon an rive ayè madi 3 janvye an a 11è 3 minit nan maten. Sa ki pa ba yo tan ase pou prepare defans yo. 

Lòt rezon ki mansyone nan korespondans sa se endisponiblite avoka reveran yo ki pa p ka la pou reprezante l nan envitasyon chèf Pakè an ki te fikse pou jounen mèkredi 4 janvye an. 

Kabinè avoka k ap reprezante pastè Armel Lafleur an mande nan korespondans sa pou komisè gouvènman an repòte envitasyon an pou 15 jou, sa k ap ba yo ase tan pou prepare defans yo epi reponn kesyon pakè an nan kad nouvo dosye sa. 

N ap raple, Pastè Armel Lafleur te deja akize nan yon dosye vyolans seksyèl ki jiskaprezan devan tribinal. Lòm Bondye an, malgre soutyen san fay fidèl li yo, pa sispann resevwa kritik tribòbabò kote menm gen yon tchalenj ki lanse sou rezo sosyal yo pou mande arete sèvitè Bondye an. 

 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.