Fon asistans ekonomik epi sosyal la ( FAES ) anonse nan yon nòt ki pibliye nan dat lendi 23 janvye 2023 a, gouvènman an te bay yon kontribisyon ak piti 49 000 moun.
Gouvènman an kontinye ap pote sekou l ak moun ki pi vilnerab yo nan peyi a, daprè nòt FAES la. Fon asistans ekonomik ak sosyal la te remèt ak 48 944 moun yon kontribisyon 3 105 nan dat 17 janvye pase a.
Nan lide pou montre moun ki pi vilnerab yo gen plas yo nan sosye a, gouvènman an te lanse yon pwogram ki pou ede gwoup moun sa yo, depi 26 mai 2022.
Desanm ane pase, toujou nan kad pwogram sila, 49 515 moun te jwenn yon patisipasyon 3105 goud.
Gouvènman chwazi mete yon pwogram sou pye, nan entansyon pou ede moun ki pi pakab yo nan sosyete a. Olye de sa, poukisa li pa kreye yon mwayen pito pou sitwayen yo ka pran swen tèt yo. Èske inityativ sa a, ka konble nesesite yo vrèman?
