Zak vyolans ak asasinay kontinye ap bay pwoblèm grav an Ayiti, sitou nan kontèks enstabilite politik ak kriz ekonomik ki afekte peyi a. Asasinay yo kreye yon klima ensekirite ak laperèz nan peyi a, epi yo anpeche efò pou estabilize sitiyasyon politik ak sosyal yo nan peyi a. Nan kòmansman ane 2023 sèlman, plis pase 500 moun deja pèdi lavi yo, rapòte Nasyonzini.
Vrèman, depi lane 2023 a rantre pa t gen okenn chanjman nan peyi, okontrè sitiyasyon a te anonse l ap vin pi grav, piske sak asasinay ak kidnapin pa sispann ogmante nan peyi a, san konte lagè gang ki lakòz plizyè santèn sitwayen Ayisyen ap kouri kite kay yo.
Daprè responsab yo, nouvo vag vyolans ki te anrejistre ant 27 fevriye ak 9 mas 2023 a, nan kapital la, Pòtoprens, ak nan rejyon santral Latibonit la te deplase plizyè santèn moun epi fòse kiltivatè yo abandone jaden yo pandan grangou a ap vin pi grav nan peyi a.
Wo Komisarya Nasyonzini pou Dwa Moun nan, nan yon rapò pibliye jodi madi 21 mas 2023 sa a nan Jenèv, fè konnen nan kòmansman ane 2023 sèlman, 531 moun te mouri, 300 lòt blese ak 280 lòt kidnape pa gang ak zam nan kapital Ayisyèn nan.
Mete sou sa, dapre ajans Nasyonzini an, pifò nan viktim yo te mouri oswa blese pa tirè pwofesyonèl ki swadizan tire owaza sou moun nan kay yo oswa nan lari.
Se sak fè, pou kraze sik vyolans, koripsyon ak enpinite, Sèvis Wo Komisarya Volker Türk kwè li enpòtan pou tout moun ki responsab, enkli moun ki sipòte ak finanse gang yo, pouswiv ak jije an akò ak ‘règ lalwa, tout pandan yo kontinye mande tou « kominote entènasyonal la pou konsidere ijan deplwaman yon fòs sipò espesyalize nan kondisyon ki konfòm ak lwa ak estanda entènasyonal dwa moun, ak yon plan aksyon konplè epi egzak.
Facebook Comments