Premye Minis Ariel Henry mete sou pye yon “Wo Konsèy Tranzisyon” 

Mackendy Filderice
Mackendy Filderice  - Rédacteur
premye minis ariel henry mete sou pye yon wo konsèy tranzisyon 

Premye Minis Ariel Henry rankontre mèkredi 21 desanm nan ak pati politik yo, reprezantan sektè biznis la ak sosyete sivil la pou diskite sou dokiman konsansis nasyonal la pou yon tranzisyon enklizif ak eleksyon transparan. Nan fen diskisyon yo, pati yo te dakò mete  sou pye yon nouvo estrikti ki rele Wo Konsèy Tranzisyon (HCT). 

Manm akò 11 septanm nan, pati ki pa aliye yo ki te reponn ak apèl la, nonmen pwofesè ak ansyen lidè RDNP a, Mirlande Manigat kòm manm Wo Konsèy Tranzisyon an (HCT) ansanm ak Laurent Saint Cyr, Prezidan Chanm Komès Lwès la, reprezantan sektè prive a ak Pastè Calixte Fleuridor, manm Asanble Misyon Bondye a, Prezidan Federasyon Pwotestan Ayiti kòm twazyèm manm e reprezantan sosyete sivil la. 

- Advertisement -
Ad imageAd image

Pou chèf gouvènman an, sa a se yon konpwomi nasyonal ak yon “premye etap, nan bon direksyon an. “Nou dwe kounye a, li te di, bay nasyon an prèv bòn volonte nou nan mete  sou pye san pèdi tan enstitisyon demokratik nou yo, epi bay direksyon zafè peyi ak otorite eli pèp ayisyen an chwazi nan kad eleksyon lib, enklizif e transparan. » 

Daprè dokiman ki te sèvi kòm baz diskisyon an, Gran Konsèy Tranzisyon an (HCT) gen misyon pou kontribiye nan definisyon oryantasyon estratejik otorite piblik yo atravè: 

– Kreyasyon kondisyon politik ak sosyal pou retounen nan lòd konstitisyonèl atravè eleksyon lib, kredib ak transparan. 

-Pwomosyon yon dyalòg politik pou patisipasyon divès aktè yo nan jesyon Leta pandan peryòd tranzisyon an. 

-Kreyasyon kondisyon ki nesesè pou retounen nan yon klima sekirite ak lapè. 

 -Definisyon, siveyans ak evalyasyon repons pou ijans politik piblik yo. 

Aprè Wo Konsèy Tranzisyon (HCT) sa a pral gen kreyasyon yon lòt kò pou kontwole aksyon gouvènman an.  Epitou, Lokatè Primati a, te mande pou sispann machandaj egoyis yo.   

“Ann sispann machandaj egoyis la.  Ann panse peyi.  Lè gen machandaj egoyis, toujou gen yon pri pou peye epi li pi souvan nan detriman pèp la ak enterè kolektif la”.  Se sak fè Premye minis Ariel Henry di  li pran angajman pou mete mwayen nesesè yo disponib pou antite sa yo pou pèmèt yo reyisi nan misyon yo. 

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.