Premye minis peyi Bahamas la, Philip Brave Davis, fè konnen li pral lanse yon kanpay depòtasyon ki vize sitwayen ayisyen ki sou teritwa peyi Bahamas la ki san dokiman nesesè oswa yon pèmi legal. Yon desizyon ki vini aprè vizit premye minis Ariel Henry nan Naso (Nassau) Kapital peyi Bahamas.
Premye Minis Bahamas la, Philip Brave Davis fè konnen peyi Bahamas pral kontinye ak operasyon “Secure” la, operasyon sa ki vize rapatriye imigran iregilye yo, yon gran majorite ladan yo se Ayisyen.
Nan yon diskou Nasyonal, Premye minis Bahamas la te deklare “Bahamas se pou Bahaméen yo”, tout pandan li kontinye pou li di peyi a dwe defann 180,000 mil kare li yo nan teritwa a. “Nou gen yon plan konplè pou pètibe antre pil imigran sou zile nou yo ak pouswiv aktivman idantifikasyon ak rapatriman moun ki te antre nan nasyon nou an ilegalman”, te aonse Philpe Brave Davis.
N ap raple, Premye Minis defakto a, Ariel Henry, pandan vizit li nan Nassau semèn ki sot pase a, te eksprime regrè li pou Ayisyen ki te kite peyi a pa milye yo pou ale Bahamas. Men malgre tou lokatè a Primati a pa fè anyen pou chanje sa, pou Doktè Ariel Henry sèl solisyon ki posib se entèvansyon yon fòs etranje nan peyi a.
