Raymond Cajuste, yon lòt pyonnye Konpa tonbe 

Pooshy Rosana
Pooshy Rosana  - Rédacteur
raymond cajuste, yon lòt pyonnye konpa tonbe 

Youn nan moniman mizik ayisyèn nan genyen, chantè ak konpozitè Raymond Cajuste mouri ayè madi 24 janvye 2023 a aprè l te fin pase plizyè dizèn lane ap mete souri nan kè admiratè li yo depi nan lane 60 yo. 

Si pa genyen twòp detay ki bay sou kondisyon lanmò defen Cajuste, toutfwa nou konnen li t ap batay depi kèk tan ak yon pwoblèm sante ki lye an pati ak dyabèt, li te menm rive pèdi pye l nan yon operasyon akòz maladi a nan lane 2017. 

- Advertisement -
Ad imageAd image

Raymond Cajuste, ki sòti nan komin Gantye, te kòmanse fè non li nan lane 1965 avèk gwoup “Les Jeunes Loups”, an 1966 la l jwenn “Les Aventuriers”, Shupa Shupa (1967), epi an 1968, se la li rankontre ak Bossa Combo, yo menm konsidere l kòm youn nan manb fondatè gwoup sila an rezon repitasyon li ki grandi an menm tan ak yo. 

Men ant 1975 ak 1977, li t ap  pral divòse ak Bossa Combo pou al fè lòt eksperyans tankou : Les Difficiles de Pétion-ville (1975), Alouchesse (1977), Big One (1977), epi nan lane 1978 li tounen lakay li nan gwoup Bossa.  

N ap raple, Bossa Combo se youn nan gwoup prezidan Jean-Claude Duvalier te renmen tande anpil, se li ki te menm fè yo kado premye enstriman yo, daprè sa nou aprann. San konte mizik Bossa Combo yo te konn jwe nan anpil lekòl, ak kèk evennman alepòk. 

Raymond Cajuste te toujou renmen di se depi nan ke jip manman li li ap aprann chante, li prèske gen yon senkantèn konpozisyon nan kaye li, e li toujou bay merit la ak Michel Desgrottes epi Guy Durosiers, ki se 2 gran mizisyen epòk la ki t ap jere Bossa ki te foure l anba yo. 

Men youn nan konpozisyon Raymond Cajuste kenbe nan memwa li se « Joanne », ki se prenon pitit fi li, pandan l t ap sibi yon operasyon chirijikal ki te mal pase, pitit fi l te vin pèdi zye l. Mizik sila rakonte reyalite li, konpozitè a rann li omaj ladan l. 

Raymond Cajuste, fèt 10 avril 1947, li fè vwèl pou peyi san chapo ayè madi 24 janvye 2023 a. Ke nanm li repoze an pè ! 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.