Mèkato a poko menm ouvè anpil fanatik FC Barcelone gentan ap reklame retou Lionel Messi pou sezon k ap vini. Men daprè “Sport” gen yon gwo pwoblèm pou klèb la paske Barcelone dwe vann kèk jwè pou bese mas salaryal li. jwè ki ta sipoze kite ekip la pa dakò ale, jwè sa yo se : Ferran Torres, Jordi Alba, Ansu Fati ak Kessie.
Retou Messi nan FC Barcelone parèt konplike pou Catalan, koze fair-play finasyè a mete klèb la nan pozisyon pou l ta van plizyè jwè pou mèkato ete a, men jwè ki ta sipoze kite klèb la pa anvi fè yon pa kita yon pa nago.
Yon lòt bò si jwè tankou Ferran Torres, Jordi Alba, Ansu Fati ak Kessie pa vle kite ekip la, Barcelone ap oblije vann Eric Garcia ak Raphinha.
Nan ka pa Brezilyen an li kapab rejwenn Premier League la paske ajan jwè a gen anpil kontak an Angletè men fòk lajan y ap bay pou li a wo, se menn kad figi a pou Eric Garcia, Barcelone ap kite l ale si pri yo bay pou li bon pou yo.
Pou Messi retounen nan klèb la, fòk Laporta travay sou mas salaryal klèb la pou l pa gen pwoblèm ak fair-play finasyè a. Kidonk fòk li vann kèk bon jwè pou l jwenn kòb pou transfè a posib.
