Richarlison : « Elimine nan Mondyal la pi rèd ke pèdi yon moun nan fanmi w » 

Jephte Pascal
Jephte Pascal  - Rédacteur
richarlison  « elimine nan mondyal la pi rèd ke pèdi yon moun nan fanmi w » 

Sa gen plis pase yon mwa depi Brezil te elimine nan kadefinal Mondyal 2022 a. Gen youn nan aktè Brezil nan Mondyal la, Richarlison ki resi evoke eliminasyon sa devan laprès. Pou atakan an, se yon bagay ki pi rèd pase lè yon moun pèdi yon pwòch li. 

Deklarasyon Richarlison nan kite moun men nan bouch. Atakan Tottenham nan pa byen dijere menm eliminasyon Seleksyon Brezil la nan Koupdimonn nan. Jwè spurs yo te montre doulè l te genyen apre echèk sa. « Se te yon kou… M pa konnen. M panse sa pi rèd ke lè w pèdi yon moun nan fanmi w. Li te difisil pou m te simonte sa. Jodi a ankò, lè m gade videyo yo m tris » Richarlison t ap esplike. 

- Advertisement -
Ad imageAd image

Malgre bagay yo fè avannsant Brezil la mal, li pa dekouraje e li konnen l ap retounen pifò pou lòt konpetisyon yo. « Men nou dwe gade devan. M jèn toujou, m ret nenpòt 2 Mondyal devan m. M ap kontinye travay di pou m met bagay yo anplas, pou m kòmanse make gòl, fè sa m konn fè sou teren an ». 

Pou Richarlison, Brezil pase a kote objektif li te genyen an : « Objektif nou se pou n te chapyon. M te make yon bèl gòl men se pa sa k te pi enpòtan. Nou t ale pou n te chanpyon. Men m te kontan make gòl sa, li nome pou pri Puskas la. M te kontan paske sa te ede moun yo konnen m plis, sa te enpòtan nan karyè m » konsa li te konkli. 

 

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.